Um Telmu

Hver er Telma Matthíasdóttir?

2013-04-30_160848Hún er ekki ein af þeim sem hefur ávallt verið í góðu formi. Hún er án nokkurs vafa ein af þeim sem finnst gott að borða góðan mat. Hún kýs að lifa lífinu í heilbrigðum líkama, full af orku íandlegu jafnvægi.

Sagan hennar Telmu
Hún fæddist á Ólafsfirði árið 1976. Frá barnsaldri var hún mjög iðinn persóna og stundaði nánast allar þær íþróttir sem voru á boðstólum. Knattspyrna, golf, tennis og skíði eru nokkrar af þeim íþróttum sem hún stundaði á sínum yngri árum. Með miklu keppnisskapi afrekaði hún fjölmarga íslandsmeistaratitla í skíðagöngu.

Í framhaldsskóla tók líf hennar miklum líkamlegum breytingum. Á tveimur árum þyngdist Telma um tæplega 30 kíló. Vanlíðan, þunglyndi og lítið sjálfstraust var farið að hrjá manneskju sem hafði alla tíð verið lífsglöð, örugg og gefandi persóna. Það veit hver manneskja að það líður engum vel með að vera tugum kílóa of þung.

Þegar Telma sá hvert lífið stefndi í líkama sem henni leið engan veginn vel með gerði hún upp hug sinn, þannig vildi hún ekki lifa lífinu. Hún fór að stunda heilbrigðari lífsvenjur, stundaði hreyfingu og veitti því athygli hvað hún borðaði. Árangurinn lét ekki á sér standa.  Innan árs voru flest aukakílóin farin en þar var ekki látið staðar numið.

Heilsan hafði yfirtekið hug hennar. Hún hafði upplifað þá vanlíðan sem fylgir því að vera illa á sig komin til þeirrar vellíðunar sem fylgir því að vera heilbrigð. Slæmt líkamlegt ástand kenndi Telmu að það er sem illgresi sem teigir út anga sína til alla þætti lífsins. Sýn Telmu er að fólk á að hafa val um það hvort það vilji vera í kjörþyngd eða of þungt. Það á öllum að líða vel. Það eiga allir verðskuldað að vera í góðu formi. Það á enginn að fara á mis við kosti þess að búa í hraustum líkama.

Áhugi Telmu á því hvernig best má byggja upp heilbrigðan líkama var ótæmandi. Síðan þá hóf hún starf í heilsuræktarstöðinni Hress, sótti fjölda námskeiða og kenndi tíma á borð við BodyPump, Step, Combat, Attack, Jam, spinning og átaksnámskeið fyrir konur og karla . Fyrir Telmu var það ekki nógu krefjandi. Hún vildi aðstoða fólk betur með því að koma þekkingu sinni betur áleiðis. Þá hóf hún að starfa sem þjálfari og aflaði sér allar þekkingar til þess.

Í dag er Telma þekkt sem einn besti þjálfari landsins enda aðstoðað hundruði íslendinga að komast í form. Fjölmargir viðskiptavinir hennar hafa náð ótrúlegum árangri og má þar m.a. nefna tvær forsíður í Vikunni þar sem fjallað er ítarlega um árangur fólks í þjálfun hjá Telmu. Það er enginn vafi á því að enginn þjálfari fær jafn mikið lof og hún Telma enda er hún viskubrunnur heilsunnar.

Á þessari vefsíðu nýtur þú visku og þekkingu Telmu á öllu því sem kemur að heilsu og fitubrennslu. Hér færðu sannreyndar upplýsingar sem raunverulega virka.  Gerðu þér grein fyrir því að það er ekki til sú leið að koma sér í form án fyrirhafnar. Tileinkaðu þér holla næringu og næga hreyfingu og þú munt uppskera vellíðan, gott form og góða heilsu.

Það er loforð Telmu til þín!